Svjetski dan humanosti

Na današnji dan se od 2003. godine obilježava Svjetski dan humanosti. Humanost je osobina koju svaki čovjek ima, pa hajde da je svi ispoljimo i zajedno, ne samo danas, već kada god smo u prilici, pokažemo solidarnost i odamo poštovanje drugom.

Caritas Barske nadbiskupije želi naglasiti važnost pomaganja i zajedništva u društvu, kao i važnost poštovanja svih načela humanosti. Na ovaj dan nastojimo podići svijest o nužnosti pomaganja ljudima u stanju socijalne potrebe, a ujedno i želimo odati počast i zahvalnost svima onima koji pomažu.

Cijeli svijet se nalazi u krizi, koje su uvijek postojale, a možda će ih biti još. Međutim svaka kriza, pa i ona najveća, lakše se prebrodi kada smo zajedno i kada pružimo ruku pomoći jedni drugima. Upravo tako udruženim snagama odaćemo počast stradalim humanitarim radnicima u bombaškom napadu na sjedište Ujedinjenih nacija u Bagdadu, zbog čega je 19. avgusta 2003. godine ustanovljen Svjetski dan humanosti.