Pojačane aktivnosti Caritasa Crne Gore

Caritas Crne Gore i Caritas Barske nadbiskupije pojačali su i osnažili aktivnosti vezane za projekat “Pomoć i njega u kući za starije osobe”, kao i pomoć starijim osobama koje nisu članovi Caritasovih projekata. Članovi Caritasovog tima su svakog dana bili  na terenu i davali sve od sebe kako bi pomogli i zaštitili stare, koji su najugroženija grupa i kojima je pomoć najviše potrebna.

Naš tim pored pružanja  pomoći,  vrši i edukaciju starijih koja ujedno posrazumjeva: Redovno i temeljno pranje ruku antisepticima na bazi alkohola ili sapunom i vodom jer se na taj način ubijaju virusi koji mogu biti na rukama, održavanje najmanje dva metra udaljenosti izmedju sebe i svakog ko kašlje, jer ako ste blizu možete udahnuti kapljice uključujući i korona virus ako je ta osoba zaražena, izbjegavanje dodirivanje očiju, nosa i usta jer na taj način virus može ući u vaše tijelo i zaraziti ga. Uz sve to obilaze I  mjesta koja se nalaze na većoj udaljenosti od grada, a takođe se, pored mnogobrojnih dnevnih aktivnosti, podijela toplih obroka obavlja redovno.

Pridržavajte se ovih mjera zaštite i ostanite kod kuće.